Sakura barada söz açylanda, köpler bada-bat Ýaponiýany göz öňüne getirýär. Ýöne soňky wagtlar Hytaýyň Guýçžou welaýatyndaky Anşun şäheri gülleýän sakuranyň paýtagty adyny goňşy ýurtlardan almaga çalyşýar.
Internet torunda Pinba sebitindäki ägirt uly baglygyň wideolary we suratlary peýda boldy. Bu ýerde 500 müňden gowrak sakura agajy gülleýär. Bu islendik ýapon baglygyna garanyňda köpdür.
Güllemäniň iň ýokary döwri hut şu günlere gabat gelýär diýip, Hi-Tech Mail.ru ýazýar.
Belläp geçsek, sakura – bu bir agaç däl-de, bägül güllüler maşgalasyna degişli bolan gyrymsy agaçlaryň toplumydyr. Sakuranyň gülleri diňe bir gülgüne we ak bolman, eýsem gyzyl ýa-da ýaşyl hem bolup bilýär, bu hem agaçlary aýratyn özüne çekiji edýär.
Sakura ownuk dişli ýapraklary bolan ülje bilen ýakyn baglanyşykly bolsa-da, sakuranyň diňe käbir görnüşleri miwe berýär. Bu miweler kiçijik we iýmek üçin ýaramly däldir.
