«The Last of Us» (Biziňkilerden iň soňkusy) post-apokaliptik serialynyň 2-nji möwsüminiň treýleri üç günüň dowamynda 158 million gezek görüldi. Bu görkeziji HBO we Max platformalarynyň original taslamalarynyň arasynda rekord boldy diýip, «Deadline» habar berýär.
WBD-niň maglumatlaryna görä, bu wideo serialyň öňki treýlerlerinden we tizerlerinden azyndan 160% köp görüldi.
Täze möwsüm 2020-nji ýylda PS4 üçin çykarylan «The Last of Us Part 2» oýnuna esaslanýar. Serialyň döredijileri Kreýg Meýzin we Nil Drakmann oýnuň ikinji bölegini diňe bir möwsümde doly beýan etmegiň mümkin däldigini, şonuň üçin onuň ahyrynyň, belki-de, diňe 3-nji möwsümde görkeziljekdigini belläp geçdiler.
2-nji möwsümiň premýerasy 14-nji aprele meýilleşdirilýär. Bölümleri hepdede bir gezekden çykar.
