Volvo kompaniýasy ähli elektromobillerini has çalt zarýad berşi goldaýan we has uzak aralyklara gitmäge mümkinçilik berýän 800-woltlyk platforma geçirmekligi meýilleşdirýär. Bu arhitekturadaky ilkinji model Volvo ES90 sedany boldy. Geljekde şeýle täzelenmäni Volvo EX90 krossoweri hem alar, emma onuň täze platforma geçirilmegi 2027-nji ýyla meýilleşdirilýär.
800 Wt tehnologiýasy zarýad berşiň wagtyny gysgaldýar: mysal üçin, ES90 modeli 10%-den 80%-e bary-ýogy 20 minutda zarýadlanýar. Deňeşdirsek, 400-woltlyk platformada bu proses, takmynan, ýarym sagada çekýär. Mundan başga-da, täze ulgam elektromobilleri has energiýa tygşytlaýjy edýär.
800 Wt platformaly indiki elektromobil EX60 krossoweri bolar. Bu ulag EX90 bilen kiçi göwrümli EX40 we EX30-yň arasyndaky model bolar. Volvo 800-woltlyk platformalary eýýämden özlerine standart edinen hytaýly awtoulag öndürijileri bilen işjeň bäsleşýär.
Elektromobil satuwlaryndaky ýokary paýy sebäpli, Volvo kompaniýasy ÝB-niň ekologiýa kadalaryny arassa berjaý edýär we CO2 zyňyndylary (kömürturşy gazy) üçin jerimelerden gaça durýar.
