40 ýaşly Kriştianu Ronaldu soňky on ýylda öz mümkinçiliginiň ýokary derejesine ýetdi. “Al-Nasryň” we Portugaliýanyň milli ýygyndysynyň hüjümçisi karýerasynda 927 goly tora girizdi we olaryň ýarysyndan gowragyny 30 ýaşyndan soň geçirdi – 464 gol. Bu ýaşa çenli ol 463 gol geçiripdi.
Bu görkezijini futbolçy 10-njy martda AFK Çempionlar ligasynyň “Esteglýala” garşy 1/8 final oýnunda (3:0) gazandy. Oýunda beýleki iki goly “Al-Nasryň” täze oýunçysy Jon Duran öz hasabyna ýazdy.
Ronaldu resmi oýunlarda 927 gola ýeten taryhda ilkinji futbolçydyr. Ol ilkinji bäş goluny “Sportingde” geçirdi, 145 gol – “Mançester Ýunaýted”, 450 – “Real”, 101 – “Ýuwentus”, 92 – “Al-Nasr” we ýene 134 gol Portugaliýanyň milli ýygyndysy üçin geçirildi. Ol futbol, milli ýygyndylaryň, UEFA-nyň Çempionlar ligasynyň, Ýewropa çempionatynyň we Klublaýyn dünýä çempionatynyň taryhynda iň gowy bombardir bolmagynda galýar.
