ABŞ-nyň Adalat ministrligi Google-dan Chrome-y satmagy talap edýär: derňew dowam edýär

  • 11.03.2025 14:50
  • 3.1k+

ABŞ-nyň Adalat ministrligi Google kompaniýasyndan Chrome brauzerini satmagyny talap edýär. Bu çäre kompaniýanyň gözleg bazaryndaky monopoliýasyny aradan aýyrmak üçin görülýär. Bu barada kazyýet resminamalaryna salgylanyp, «TechCrunch» neşiri habar berýär.

Bu talap ilkinji gezek geçen ýyl, ýagny ABŞ-nyň öňki prezidenti Jo Baýdeniň administrasiýasy döwründe öňe sürüldi. Google-yň başgaça syýasata  garaşandygyna garamazdan, täze administrasiýa hem şol pikirleri öňe sürmäge dowam etdi. Şeýle-de bolsa, ministrlik bu mesele boýunça öz pozisiýasyny birneme ýumşatdy: emeli aňa (Anthropic hem degişli) maýa goýmak boýunça doly gadaganlyklary girizilmez, bu maýa goýumlary barada Google hökümeti habarly etse ýeterlik bolar.
Derňew işleri kazy Amit Mehtanyň Google-y gözleg bazarynda monopoliýa döretmek boýunça aýyplamagyndan soň başlady. Prokuror Omid Assefi bolsa, Chrome-yň başga bir kompaniýa satylmagyny, şeýle-de Google-yň öz gözleg hyzmatyny öňe sürmegi üçin, hyzmatdaşlaryna töleg tölemegini  gadagan etmek baradaky talaplary bilen çykyş etdi. Muňa mysal hökmünde, Safari brauzerindäki deslapky gözleg hyzmaty hökmünde Google-yň ornaşdyrylmagy üçin, Apple kompaniýasyna 2022-nji ýylda 20 milliard dollar töländigini görkezmek bolar.
Google bu karara garşy şikaýat taýýarlap, hyzmatdaşlaryna has uly erkinlik bermek teklibini orta atdy. Kompaniýanyň wekili Adalat ministrliginiň çäreleriniň sarp edijilere, ykdysadyýete we ABŞ-nyň howpsuzlygyna zyýan ýetirip biljekdigini aýtdy.
Kazy Mehta bu kazyýet işine aprel aýynda sereder – bu hem tehnologiýa ägirdi bilen bolan jedelde iň möhüm pursat bolar.


26.11.2025 12:21
6.1k+

ABŞ-da energiýany simsiz geçirmek boýunça rekord goýuldy

Star Catcher Industries amerikan startapy lazer şöhlesi arkaly adaty, kommersiýa Gün panellerine 1,1 kW optiki kuwwat geçirmek bilen simsiz energiýa geçiriş boýunça täze dünýä rekordyny goýdy. Synaglar Florida ştatynyň Kennedi adyndaky kosmodromynda geçirildi...

24.11.2025 14:23
11k+

Altyn ätiýaçlygy boýunça ýurtlaryň infografikasy: Merkezi banklar ony çökgünlikden goranmak üçin ýygnaýarlar

Altyn iň ygtybarly we wagtyň synagyndan geçen gymmatly serişdeleriň biri bolmagynda galýar. Bütin dünýädäki Merkezi banklar onuň gorlaryny artdyrmagyny dowam etdirýärler, bu bolsa 2025-nji ýylda metalyň bahalarynyň rekord derejede ýokarlanmagyna getirdi...

19.11.2025 23:16
18k+

Tramp Ak tamda Ronalduny kabul etdi we ony ähli döwrüň iň beýik oýunçysy diýip atlandyrdy

Portugaliýanyň milli ýygyndysynyň hüjümçisi Kriştianu Ronaldu hormatly myhman hökmünde Ak tama bardy we ABŞ-nyň Prezidenti Donald Trampyň maşgalasy bilen tanyşdy diýip, ESPN habar berýär. Sişenbe güni Tramp Waşingtonda Saud Arabystanynyň mirasdüşer şazadasy Muhammed bin Salmany kabul etdi...

13.11.2025 10:46
12k+

ABŞ-da taryhda iň uzak dowam eden "şatdaun" tamamlandy

ABŞ-nyň Prezidenti Donald Tramp ýurduň taryhynda iň uzak dowam eden hökümet işiniň togtadylmagyna (“şatdaun”) nokat goýup, wagtlaýyn maliýeleşdirmäge degişli kanuna gol çekdi diýip, CNN habar berýär. Şeýlelikde, 40 günden gowrak dowam eden federal hökümetiň işiniň togtadylmagy resmi taýdan soňlandy...