Microsoft korporasiýasynyň iň köne gurallaryndan biri bolan Microsoft Publisher 2026-njy ýylyň oktýabrynda işini bes eder.
Microsoft 365-de we «ömürlik» lisenziýalarda goldaw bes ediler. Bu lisenziýalar işlemegini dowam etdirer, emma täzelenmeler we howpsuzlyk goraglary bolmaz.
PCWorld-yň Microsoft-a salgylanyp beren maglumatyna görä, Publisher-iň funksiýalary indi Word we PowerPoint bilen çalşylar.
«Publisher-iň edip bilýän ähli zatlaryny Word we PowerPoint ýerine ýetirýär» — diýip, korporasiýa belleýär.
«.pub» görnüşdäki faýllary ýitirmezlik üçin, Microsoft olary PDF-e öwürmegi, soňra bolsa Word ýa-da PowerPoint-de açmagy maslahat berýär. Emma bu ýagdaýda käbir maketler üýtgäp biler. Köp faýly şol bir wagtda öwürmek üçin makros döretmek teklip edilýär.
Publisher 1991-nji ýylda işe girizildi we ol Office 365-iň (häzirki Microsoft 365) düzümine girýärdi. Emma soňra Publisher öz ornuny ulanyjylaryň arasynda has-da meşhur bolan Word-a tabşyrdy, bu bolsa 35 ýyl hyzmat edenden soň onuň bazardan aýrylmagyna sebäp boldy.
