The Nature Photography Contest bäsleşiginiň guramaçylary 2024-nji ýylyň dürli nominasiýalardaky ýeňijilerini yglan etdiler.
Ýylyň iň gowy surat baýragy, gülläp oturan açyk gülgüne reňkli kipreý gülleriniň "düşeginde" dynç alýan polýar aýysynyň suraty üçin Kristofer Paetkau gowşuryldy.
"Bu surat diňe bir owadanlygy bilen haýran galdyrman, eýsem Arktikanyň tebigatynyň näzikligini hem ýatladýar" - diýip, bilermenler belleýär.
Paetkau bu pursaty "ümsümlik we asyl gözellik bilen doldurylan jadyly pursat" diýip atlandyrdy.
Tomas Wijaýan ajaýyp tebigat suratlary üçin “2024-nji ýylyň suratçysy” diýlip saýlandy.
Wijaýan öz işleriniň birinde imperator pingwininiň gözegçiliksiz galdyrylan kameradan seredip duran täsin pursatyny düşürmegi başarypdyr. Onda pingwiniň özi ussat fotosuratçy ýaly görünýär.
Beýleki nominasiýalaryň ýeňijileri:
• Daşky gurşawa täsir: Rob Grein.
• Planetany paýlaşmak: Sina Ritter.
• Tebigy landşaft: Stýuart Çeýp.
• Ýabany dünýä: Stiw Marş.
• Guşlar: Salil Tambe.
• Tebigatdaky degişme: Braýan Klopp.
• Gijeki dünýä: Fransisko Kortes Arias.
• Suwasty surat: Jeýms Ferrara.
• Makro surat: Awilaş Goş.
• Ösümlik durmuşy: Awilaş Goş.
