Google Pixel 9 Pro MWC 2025 sergisinde “Ýylyň smartfony” baýragyny aldy

  • 09.03.2025 08:13
  • 5k+

Barselonada geçirilen MWC 2025 sergisinde Google-yň Pixel 9 Pro flagmany Apple-iň we Samsung-yň ýokary derejeli modellerinden öňe geçip, “Ýylyň smartfony” baýragyny aldy. Smartfon 2024-nji ýylyň iň köp gürrüňi edilýän Android gurluşlarynyň biri boldy we ösen tehnologiýalaryň, täzelenen dizaýnyň we kuwwatly programma üpjünçiliginiň sazlaşmagy netijesinde ulanyjylardan ýokary baha aldy.

“Ýylyň smartfony” baýragy 2024-nji ýylyň ýanwar aýyndan dekabr aýy aralygyndaky bazar seljermesiniň esasynda Global Mobile Association (GLOMO) tarapyndan berilýär. Şol bir wagtyň özünde, gurluşyň öndürijiligi, täze funksiýalary we bazardaky öňdebaryjylygy göz öňünde tutulýar. 
Pixel 9 Pro smartfony Apple iPhone 16 Pro Max we Samsung Galaxy S24 Ultra ýaly flagmanlar bilen bäsleşdi, ýöne özboluşly aýratynlyklary we ulanyjylaryň arasynda meşhurlygy bilen olardan öňe geçmegi başardy.
Bu Google smartfonynyň we Android gurluşynyň “Ýylyň smartfony” adyny yzygider ikinji ýyl almagydyr. 2024-nji ýylda Pixel 8 2021-nji ýyldan bäri bu baýragy alan ilkinji Android gurluşy boldy. Indi bolsa Google Apple we Samsung ýaly ägirtler bilen bäsleşip biljek brenddigini tassyklady.
Şeýle-de, Google “Gurluşlaryň pudagynda öňe gidişlik innowasiýasy” nominasiýasynda Gemini taslamasy üçin baýrak aldy. Gemini enjam we programma üpjünçiligini üstünlikli utgaşdyryp bildi, bu hem kompaniýa ykjam bazaryň çäginden çykyp, ulanyjylara özboluşly funksiýalary hödürlemäge mümkinçilik berdi. Geçen ýyl bu baýragy Apple-iň Satellite SOS hyzmaty alypdy. Ol iPhone ulanyjylaryna öýjükli aragatnaşygyň ýok ýerlerinde hemra arkaly betbagtlyk signalyny ibermäge mümkinçilik berýär.
Üstünliklerine garamazdan, Google MWC 2025 sergisinde täze gurluşlary hödürlemedi. Ol öz täzeliklerini, adatça, maý aýynda geçirilýän Made by Google ýyllyk konferensiýasynda görkezer.


28.11.2025 12:06
2.5k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

28.11.2025 11:48
1.1k+

Google Android üçin Chrome-a wkladkalary berkitmek funksiýasyny goşdy

Google kompaniýasy Android üçin Chrome mobil brauzerinde wkladkalary berkitmek funksiýasyny synagdan geçirmäge başlady. Möhüm wkladkalary tötänleýin ýapmagy kynlaşdyrýan bu mümkinçilik, Chrome Canary-iň ilkinji synag gurluşynda eýýäm standart görnüşde elýeterlidir...

25.11.2025 17:43
3.6k+

Google 2025-nji ýylyň iň gowy Android programmalaryny we oýunlaryny saýlady

Google kompaniýasy 2025-nji ýylda Play Store platformasynda hödürlenen iň gowy oýunlary we programmalary saýlady. Bu ýyllyk tejribe diňe bir işläp düzüjileriň üstünlikleriniň ykrar edilmegi däl-de, eýsem Android enjamlary ulanyjylar üçin maslahat hökmünde hyzmat edýär...

20.11.2025 13:11
1.7k+

Google has kuwwatly we mugt elýeterli bolan täze Gemini 3 EA modelini hödürledi

Google täze nesil emeli aň modelini – Gemini 3-i hödürledi. Kompaniýa ony Gemini hatarynda iň ösen we hemmetaraplaýyn model diýip atlandyrýar. Ol eýýäm Gemini programmasynda, Google gözleginiň AI režiminde, şeýle-de işläp düzüjiler we korporatiw ulanyjylar üçin gurallarda elýeterlidir...