7-nji martda Prezident Serdar Berdimuhamedow sekiz we şondan köp çagany dünýä indiren hem-de mynasyp terbiýeläp ýetişdiren enelere Türkmenistanyň «Ene mähri» diýen hormatly ady dakmak hakynda Permana gol çekdi. Resminama metbugatda çap edildi.
"Ösüp gelýän nesillerimizi ata Watanymyza we merdana halkymyza wepaly, sagdyn hem-de ruhubelent adamlar edip ýetişdirmekde kalby mähirden doly eneleriň örän uly hyzmaty bardyr. Mukaddes maşgala ojagyny gorap saklamakda, ogul-gyzlaryna gadymdan gelýän milli däplerimize görä edep-terbiýe bermekde, jemgyýetimiziň agzybirligini has-da berkitmekde olar bahasyna ýetip bolmajak işleri bitirýärler" diýlip resminamada bellenilýär.
Türkmenistanyň «Ene mähri» diýen hormatly at ýurdumyzyň dürli künjeginden jemi 253 sany köp çagaly enelere berildi. Şolardan Aşgabatdan - 30 sany, Ahal welaýatyndan - 28 sany, Balkan welaýatyndan - 5 sany, Daşoguz welaýatyndan - 107 sany, Lebap welaýatyndan - 33 sany we Mary welaýatyndan - 50 sany.
"Ene mähri" hormatly ada mynasyp bolanlaryň sanawy bilen şu salgydan tanşyp bilersiňiz.
