Ilon Maskyň baýlygy 2024-nji ýylyň 17-nji dekabryndan bäri 110,8 mlrd dollar azaldy we häzir 353,2 mlrd dollara barabar. Forbes neşiriniň habar bermegine görä, bu ABŞ-nyň Prezidenti Donald Tramp tarapyndan Kanadadan, Meksikadan we Hytaýdan importa täze nyrhlar girizilenden soň, Tesla-nyň paýnamalarynyň 15% pese gaçmagy bilen baglanyşyklydyr.
Nyrhlar girizilenden soň diňe bir günde Mask 1,5 mlrd dollar ýitirdi.
Neşir Tesla-nyň uly ýitgileri çekip biljekdigini belleýär, sebäbi Hytaý Tesla elektromobilleriniň satuwy üçin ikinji uly bazardyr. Mundan başga-da, önümçilikde kompaniýa bellibir derejede Kanadadan ätiýaçlyk şaýlarynyň importyna bil baglaýar.
4-nji martdan ABŞ-da Kanadadan we Meksikadan ähli importa diýen ýaly 25% gümrük haky girizildi, Hytaýdan getirilýän harytlar üçin nyrhlar 10%-den 20%-e çenli ýokarlandy.
Tramp nyrhlary ýokarlandyrmak baradaky permana 1-nji fewralda gol çekdi. Hytaý önümleri üçin 10% nyrhlar 4-nji fewralda güýje girdi, Kanada we Meksika üçin bolsa bu ýurtlaryň ýolbaşçylary bilen gepleşikler sebäpli bir aý yza süýşürildi.
Ýatlap geçsek, 2024-nji ýylyň 11-nji dekabrynda Bloomberg Maskyň baýlygy 400 mlrd dollardan geçen ilkinji adam bolandygyny habar beripdi.
