Audi täze dizaýna we tehnologiýalara eýe bolan 2025-nji ýylyň A6 uniwersalyny hödürledi diýip, Motor1 habar berýär.
Modeliň öň we arka bölekleri täzelendi, täze yşyklandyryş tehnologiýasy we media ulgamy girizildi. Salonyň içinde 14,6 dýuýmlyk ekran we 11,9 dýuýmlyk sanly gurallar paneli bar. Öňdäki ýolagçy üçin goşmaça üçünji ekran gurnamak mümkin.
Uniwersal has-da ulaldy – uzynlygy 4,99 metre ýetdi, oturgyçlar ýygnalanda ýük bölüminiň göwrümi 1534 litre çenli ýetýär.
Esasy görnüşde iki hereketlendiriji hödürlenýär – 2,0 litrlik benzin we dizel hereketlendirijileri, olaryň hersiniň kuwwaty 201 at güýjünde. Ýokary görnüşinde 3,0 litrlik turbo dizel V6 hereketlendirijisi bar, ol 362 at güýjünde bolup, 48 woltly goşmaça energiýa ulgamy bilen enjamlaşdyrylan. Mundan başga-da ulag Quattro doly hereket ulgamy, uýgunlaşdyrylan howa asma ulgamy we doly dolandyryş şassisi bilen üpjün edilýär.
Audi A6 Avant 2025 modeliniň başlangyç bahasy 58 müň ýewrodan başlaýar. Dizel hereketlendirijili wersiýanyň bahasy 61,7 müň ýewro.
Satuwyna şu aýda başlanar.
