Meizu global smartfon bazaryna gaýdyp geldi. Kompaniýa Mobile World Congress (MWC) 2025 sergisinde üç sany täze smartfon – Meizu Note 22, Mblu 22 we Mblu 22 Pro smartfonlaryny hödürledi. Olar arzan segmente degişli bolup, Flyme OS interfeýsi bilen Android 15-de işleýär.
Meizu Note 22 6,78 dýuým suwuk kristal displeýine (1080p), MediaTek Helio G99 çipsetine we 128 ýa-da 256 GB ýat bilen 8 GB operatiw ýada eýe boldy. Esasy kamera – 108 MP, frontal – 32 MP. Akkumulýatoryň sygymy 5000 mA/sag bolup, 40 Wt çalt zarýad berşi goldaýar. Goşmaça funksiýalaryň arasynda NFC, infragyzyl geçiriji we 4G bar.
Mblu 22 6,79 dýuým suwuk kristal displeýi (720P) bilen üpjün edildi we Unisoc çipsetinde işleýär. Ýat görnüşleri: 3 GB operatiw ýat + 64 GB we 4 GB operatiw ýat + 128 GB. Esasy kamera – 13 MP, frontal – 5 MP. Gurluş Android 15-de (Go Edition) işleýär we stereodinamikalary goldaýar. Akkumulýator – 5000 mA/sag. Elýeterli reňkler: gara, sary we ýiti gök.
Mblu 22 Pro 6,79 dýuým suwuk kristal ekranyny (720p, 90 Gs) we MediaTek Helio G81 çipsetini aldy. Esasy kamera – 50 MP, frontal – 8 MP. Ýat görnüşleri: 4/128 GB, 6/256 GB we 8/256 GB. Akkumulýatoryň sygymy – 5000 mA/sag, zarýad beriş – 18 Wt.
