Louis Vuitton fransuz brendi 2025-nji ýyl üçin geçmişiň aýdym-saz diňlenilýän enjamlaryndan ruhlanan ýazky aksessuarlar kolleksiýasyny hödürledi. Oňa 90-njy we 2000-nji ýyllaryň sanly we kasseta pleýerleriniň äheňinden ylham alan ýantorbalar we kartholderler girdi diýip, Hypebeast habar berýär.
Kolleksiýanyň esasy elementleriniň biri - 2007-nji ýylyň iPod Classic gajetiniň şekilinde döredilen krossbodi ýantorbasy boldy. Ol dolandyryş düwmeleri we Louis Vuitton nyşanly ekran, “Collection Spring 2025” ýazgysy we 18:54 wagty – brendiň döredilen ýyly bilen bezeldi. Altyndan furnitura simli nauşniklere meňzeýär.
Ýene bir aksessuar kassetanyň şekilinde döredilen kartholder bolup, ol kartlary we wizitkalary saklamak üçin niýetlenýär, “Side A” we “Side B” bellikleri hem bar. Syrma altyndan ýasaldy.
Şeýle-de, kolleksiýada 90-njy ýyllaryň kasseta pleýeriniň şekilinde krossbodi ýantorbasy hödürlendi. Ol iPod torbasy bilen meňzeş materiallardan taýýarlandy we goşmaça altyn nauşniklere hem-de “pleý/pauza”, “öçürmek/işletmek” we “yza/öňe” mehaniki düwmelerine eýe boldy.
Aksessuarlar 13-nji martda satuwa çykar. Bahalar heniz belli däl.
