Louis Vuitton kompaniýasy konseptual welosiped döretdi. Ol Parižde geçirilýän Moda hepdeliginiň çäginde Louis Vuitton-yň erkekler üçin 2027-nji ýyl ýaz-tomus toplumynyň görkezilişinde tanyşdyryldy.
Model modalar öýüniň erkekler bölüminiň döredijilik direktory Farrell Wilýams hem-de welosiped öndüriji Pinarello bilen bilelikde işlenip düzüldi. Onuň esasy hökmünde «Pinarello DOGMA F» ýol welosipedi alyndy.
Welosiped hromlanan elementleri, şeýle hem seýrek reňkler bilen tapawutlanýar.
Ol «Shimano Dura-Ace Di2 R9200» transmissiýasy, «Princeton CarbonWorks Mach 7580 TSV2» karbon tigirleri we «CeramicSpeed OSPW» ulgamy bilen enjamlaşdyryldy. Modeliň agramy 7,3 kg-a barabardyr.
Bu welosiped Louis Vuitton-yň «adatdan daşary döredilen önümler» toplumyna goşular we diňe modalar öýüniň üsti bilen satylar. Onuň bahasy häzirlikçe belli däl.
Louis Vuitton bilen Pinarello-nyň bu hyzmatdaşlygy kompaniýalaryň ilkinji bilelikdäki işi däl. 2016–2023-nji ýyllar aralygynda welosiped öndüriji LVMH toparyna degişli bolupdy we täze önüm hem bu hyzmatdaşlygyň dowamy boldy.
