Mercedes-AMG brendiň iň dinamik awtoulagy boljak elektrikli superkary yglan etdi. Bu täzeligiň tanyşdyrylyşy 2025-nji ýylyň ortalarynda bolar diýip, «Autocar» neşiri habar berýär.
Täze model «Vision One-Eleven» konseptinden ylham alýar. Öndüriji esasan tizlige we tizlik bilen depginli hereketlere üns berer.
Işläp düzüş prosesinde Amerikanyň Factorial kompaniýasy bilen bilelikde döredilen öňdebaryjy gaty haldaky batareýalar ulanylar. Bu batareýalar elektromotor üçin ýokary güýji we netijeliligi üpjün eder. Çaklamalara görä, bu superkar häzirki AMG lideri bolan «Project One-dan» hem üstün çykyp biler. Bu ulag 100 km/sag tizlige üç sekuntdan az wagtda ýetýär.
Dizaýn «Vision One-Eleven-iň» aýratynlyklaryny saklar, ýöne aerodinamika we öndürijilik boýunça kämilleşdiriler. Modeliň köpçülikleýin önümçilige haçan giriziljekdigi häzirlikçe belli däl, ýöne AMG GT 4-Door Coupe-yň we täze flagman ulagynyň elektrikli görnüşlerini eýýämden synagdan geçirip başlady.
