Parižiň zikgehanasy 2024-nji ýylyň Olimpiýa oýunlarynyň medallaryny çalyşmak üçin 220 arza kabul etdi. Bu umumy medal sanynyň 4,5%-ine deňdir diýip, Frans Press agentligi habar berýär.
Jemi diametri 85 mm we galyňlygy 9,2 mm bolan 5084 medal çykarylypdy.
Mundan öň Lettre neşiri Parižde Olimpiadanyň we Paralimpiadanyň guramaçylyk komitetine döwük we pos ýaly kemçilikler sebäpli 100-den gowrak medalyň yzyna berlendigini habar berdi. Nägilelik bildirenleriň arasynda Azerbaýjanyň Milli olimpiýa komiteti bolup, ol ilkibaşdaky görnüşini ýitiren medallary çalşyp bermek haýyşy bilen Halkara Olimpiýa Komitetine ýüz tutdy.
Soňrak Parižiň zikgehanasy bu meseläni tassyklady.
“Parižiň zikgehanasy medallaryň käbirini çalşyp berdi we türgenleriň haýyşy boýunça olary çalyşmak kampaniýasyny dowam etdirýär” – diýlip, resmi beýanda aýdylýar.
Lettre-niň maglumatlaryna görä, bu dawaly waka zikgehanada önümçilik we hil boýunça üç müdiriň işden çykarylmagyna getirdi.
Olimpiada-2024 26-njy iýuldan 11-nji awgust aralygynda Parižde geçirildi.
