2-nji martda Steam onlaýn dükany ýene bir gezek ulanyjylaryň iň ýokary sany boýunça rekordyny täzeledi – platformada şol bir wagtda 40,2 million adam onlaýn boldy.
Öňki rekord dekabrda goýlupdy we ol bu gezekkiden 1 million sany ulanyjy azdy. Şol bir wagtyň özünde, bu ulanyjylaryň takmynan üçden biri – ýagny 12,8 million adam oýun oýnaýardy. Galan ulanyjylar bolsa, Steam programmasyny arka fonda işledip saklaýardy.
Bu rekord esasan Monster Hunter Wilds oýnunyň çykmagy bilen baglanyşyklydyr. Oýnuň neşir edilenine sanlyja gün bolandygyna garamazdan, ol eýýäm Steam-iň taryhyndaky iň köp oýnalýan bäş onlaýn oýnuň arasyna girmegi başardy.
