Honor "Watch 5 Ultra" akylly sagadyny tanyşdyrdy: ol bir gezeklik zarýad bilen 15 gün işleýär

  • 04.03.2025 11:27
  • 2.1k+

Honor täze Watch 5 Ultra akylly sagadyny tanyşdyrdy. Täze sagat bir gezeklik zarýad bilen 15 gün üznüksiz işleýär, şeýle-de saglygy gözegçilikde saklamak boýunça dürli funksiýalary bar diýip, «Tom’s Guide» habar berýär.

Täze modele 1,5 dýuýmlyk AMOLED ekran (466×466 piksel, 60 Gs) ýerleşdirilen. Titan splawyndan ýasalan korpusynyň IP68 gorag standarty hem-de 5 ATM suw geçirmezlik ukyby bar. Sagadyň ölçegleri – 46,3×46,3×11,4 mm, agramy bolsa – 51,8 gram.
8 GB içerki ýady bolan akylly sagat 100-den gowrak sport tertibini hem-de Bluetooth 5.2 tehnologiýasyny goldaýar. 480 mA·sag sygymly batareýasy 15 güne çenli zarýad berilmezden işläp bilýär. Şeýle-de simsiz we tersine zarýad beriş funksiýasylary bar. Sagat Android 9.0+ we iOS 13.0+ ulgamlaryna gabat gelýär. Ulanyjylara 10 müňden gowrak sanly ekran görnüşi hödürlenýär.

Watch 5 Ultra akylly sagadynyň «Quick Health Scan» funksiýasy EKG-ni ýazga almaga we saglyk ýagdaýyny seljermäge mümkinçilik berýär. Şeýle-de ýüregiň urşuny, gandaky kislorodyň derejesini ölçäp, ukynyň hilini yzarlap bilýär.
Sagat gara we çal reňklerde hödürlenýär, şeýle-de aýryp-dakyp bolýan plastika we deri görnüşli gaýyşlary bar.


Şeýle hem Honor öz smartfonlary üçin programma üpjünçiliginiň goldaw möhletini 7 ýyla çenli uzaldýandygyny habar berdi. Bu möhlet Google we Samsung-yňky bilen deň bolup, Xiaomi bilen deňeşdirilende bolsa ep-esli artykmaçlyk berýär.

Uzaga çekýän programma üpjünçilik goldawy, «Magic Series ulanyjylarynyň ençeme ýyllap emeli aň mümkinçiliklerine we innowasion funksiýalara elýeterli boljakdygyny kepillendirýär» — diýip, kompaniýa öz beýanatynda belläp geçýär.
Täze düzgünleriň haýsy modelleri öz içine alýandygy entek belli däl. Magic7 flagman modelleriniň bu uzak möhletli goldawa ilkinji bolup eýe bolmagy ähtimal.


düýn 22:38
652

Insaýder geljekki Huawei Nova 15 hatarynyň aýratynlyklaryny aýtdy

Insaýder Digital Chat Station geljekki Huawei Nova 15, Nova 15 Pro we Nova 15 Ultra smartfonlary barada maglumatlar bilen paýlaşdy.  Habar berlişi ýaly, esasy model Nova 15 6,7 dýuým ekrana eýe bolar. Nova 15 Pro biraz uly – 6,84 dýuým displeýi alar...

düýn 21:54
1k+

2025-nji ýylyň arheologik möwsüminiň tapyndylary Türkmenistanyň muzeý gaznalaryna tabşyryldy

26-njy noýabrda nobatdaky meýdan arheologik we ylmy işleriň netijesinde ýüze çykarylan täze tapyndylary muzeýlere tabşyrmak boýunça dabara geçirildi. Tapyndylar Aşgabat şäherindäki Türkmenistanyň Döwlet Medeniýet Merkeziniň Döwlet muzeýiniň we Arkadag şäheriniň Taryhy we ülkäni öwreniş muzeýiniň gaznalaryna gowşuryldy...

düýn 11:02
5.8k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

düýn 10:00
8.5k+

Serdar Berdimuhamedow Täze ýyl mynasybetli Aşgabatda bezeg işlerini geçirmek boýunça teklibi goldady

28-nji noýabrda geçirilen Hökümet mejlisinde wise-premýer B.Annamämmedow Täze ýyl baýramyna taýýarlyk görmegiň çäklerinde Aşgabat şäherinde ýerine ýetirilýän işler barada hasabat berdi. Bellenilişi ýaly, täze —...