2026-njy ýylyň tomsunda BMW-niň Mýunhendäki zawodynda NEUE KLASSE ady bilen täze nesil elektromobilleri çykarylyp başlanar. Kompaniýa bazarda elektromobilleriň paýyny artdyrmak strategiýasynyň çäklerinde diňe elektrik modellere ünsi jemlemek üçin zawody üýtgeder.
Häzir zawodda uly işler alnyp barylýar: kuzowlar we gurnama üçin täze sehler gurulýar. Kärhananyň ýolbaşçysy Peter Weber innowasiýalary wada berýär.
“Täze zawod çeýe we ösen bolup, önümçilik işlerini kämilleşdirer” – diýip, ol belleýär.
2027-nji ýyla çenli Mýunhen adaty hereketlendirijilerden doly ýüz öwrer, eýýäm 2025-nji ýylyň ahyrynda bolsa synag zawody ilkinji elektromobillerini ýygnar.
Kompaniýa täze ulag arhitekturasynyň çykdajylary azaltjakdygyny we önümçiligi ýönekeýleşdirjekdigini belleýär. Bu ýönekeý bir täzelenme däl – BMW ekologiýa taýdan arassa ulaglara islegiň gün-günden artýan bazarynda öz ornuny berkitmek isleýär. Bu üýtgeşmeler BMW kompaniýasyna häzirkizaman sürüjileriň elektromobillere bolan isleglerini kanagatlandyrmaga kömek eder.
