Internet ulanyjylary Hytaýyň Ýanszy derýasynyň kenaryndaky gaýany gussa batan ite meňzedenlerinden soň, ol sosial ulgamda meşhur bolup ýaýrady. Indi syýahatçylar bu ýere öz öý haýwanlary bilen täsin suratlara düşmek üçin gelýärler diýip, The Guardian ýazýar.
Ýanwar aýynyň ahyrynda şanhaýly dizaýner Go Sinşan “Güjükler dagy” atly suratyny paýlaşyp, meňzeşlige ünsi çekdi. Go şol ýere ýakyn şäherde doglan hem bolsa, ozal bu meňzeşlige üns bermändigini boýun aldy, emma meňzeşligi görende haýran galandygyny aýtdy.
“Güjük suw içýän ýa-da balygy synlaýan ýaly ýagdaýda. Şeýle hem, Ýanszy derýasyny ýuwaşlyk bilen goraýan ýaly" -diýip, Go özünde galan täsirleri paýlaşdy.
10 günüň içinde bu ýazgy Hytaýyň RedNote sosial ulgamynda (asyl ady - Hiaohongshu) 120 müň gezek halandy.
Şondan soň dagyň meşhurlygy artdy. Syýahatçylar, esasanam it söýüjiler, bu ýere öý haýwanlary bilen surata düşmek üçin gelýärler. Gaýa synlaýyş meýdançasyndan aýdyň görünýär, bu suratlaryň şowly çykmagyna kömek edýär.
