26-njy fewralda Türkmenistanyň BMG-niň agzalygyna kabul edilen güni mynasybetli Türkmenistanyň DIM-niň Halkara gatnaşyklary institutynda ýurdumyzyň yokary okuw mekdepleriniň talyplarynyň arasynda bäsleşik geçirildi. Bäsleşik institutyň Halkara hukugy fakultetiniň Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagy we institutyň “Ýaş alymlar” geňeşi tarapyndan guraldy. Bu barada DIM-niň HGI-niň saýtynda habar berilýär.
Bäsleşige Türkmenistanyň Daşary işler ministrliginiň Halkara gatnaşyklary institutynyň, Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň, Türkmenistanyň Içeri işler ministrliginiň institutynyň talyplary gatnaşdy.
Bäsleşik üç tapgyrdan ybarat bolup, 1-nji tapgyrynda, BMG bilen bagly düzülen soraglara jogap bermek, 2-nji tapgyrda BMG-niň Baş Assambleýasynyň immitirlenen sessiýasynda öz döwletiniň adyndan çykyş etmek, şeýle-de 3-nji tapgyrda, dünýä döwletleriniň baýdaklaryny ýatdan bilmek bilen baglanyşykly soraglara jogap bermek boýunça bäsleşdiler.
Bäsleşigiň netijeleri şundan ybarat:
- Baş baýrak - Tükmenistanyň Daşary işler ministrliginiň Halkara gatnaşyklary instituty
- 1-nji orun - Magtymguly adyndaky Türkmen döwlet uniwersiteti;
- 2-nji orun - Türkmenistanyň Içeri işler ministrliginiň instituty;
- 3-nji orun Halkara ynsanperwer ylymlary we ösüş uniwersiteti
Ýeňiji bolan toparlara Hormat hatlary we ýadygärlik sowgatlary gowşuryldy.
