Hytaýda ilkinji elektrikli dirižabl synagdan geçirildi: ol ses-sedasyz uçýar we tebigata zyýan ýetirmeýär

  • 27.02.2025 17:48
  • 6.5k+

Hytaýyň Hubeý welaýatynyň Szinmen şäherinde täze tehnologiýa synagdan geçirildi. AVIC korporasiýasynyň Aýratyn ulag serişdeleri gözleg instituty tarapyndan işlenip düzülen ilkinji elektrikli dirižabl bolan «AS700D» üstünlikli uçuryldy.

Dirižabl litiý-ion akkumulýatorlar bilen işleýär. Onuň hereketlendiriji ulgamy elektrikli hereketlendirijilere esaslanýar. Şonuň üçin hem ol hiç hili diýen ýaly ses çykarmaýar we ýylylyk bölüp çykaryp yz galdyrmaýar – bu aýratynlyk ony adaty gaz turbinaly ýa-da porşenli hereketlendirijiler bilen işleýän ulgamlardan tapawutlandyrýar.

Synag wagtynda dirižabl dik göterildi, 50 metr beýiklige çykdy we bir salym howada üznüksiz durdy. Ondan soň bolsa ýuwaşlyk bilen ýere gondy. Synaglaryň dowamynda elektrikli hereketlendirijili ulgamyň durnuklydygy we ygtybarly işleýändigi tassyklanyldy. Şeýle hem propeller ulgamynyň we çekiş ugruny dolandyrmak tehnologiýasynyň netijeliligi subut edildi.

Synag uçuşynyň uçarmany Lin Hun «AS700D» bilen uçmagy şeýle düşündirdi: «elektrikli awtoulag süreniň ýaly, uçmak ýeňil we birsydyrgyn bolýar». Bu bolsa dirižablyň dolandyrylyşynyň rahatdygyny we ýolagçy gatnatmak üçin amatlydygyny görkezýär. Onuň içine uçarman bilen bilelikde jemi 10 adam sygýar.

«AS700D» dürli wezipeleri ýerine ýetirmek üçin niýetlenendir. Ony howadan gözegçilik we syn işleri üçin ulanmak bolar. Şeýle hem howpsuzlygy üpjün etmek, desgalary goramak, tebigy ýagdaýlary gözegçilikde saklamak we zerur halatlarda adamlary göçürmek üçin hem ulanyp bolar. Dirižablyň iň ýokary uçuş belentligi 3100 metre, tizligi bolsa sagatda 80 kilometre ýetýär.


şu gün 11:26
1k+

Hytaý Aýyň arka tarapynda äpet teleskop gurmagy teklip edýär

Hytaýyň Kosmos tehnologiýalary akademiýasynyň we Şanhaý astronomiýa obserwatoriýasynyň hünärmenleri Aýyň arka tarapynda radioteleskoplar toplumyny döretmegi teklip etdiler. Taslama tassyklansa, ol ilkinji işleýän...

20.03.2025 12:08
4.4k+

Hytaýda ilkinji uçarmansyz uly ýük uçary synagdan geçirildi

Hytaýda uçarmansyz TP1000 uly ýük uçarynyň ilkinji synag uçuşy geçirildi. Ony Yitong UAV Systems kompaniýasy işläp taýýarlady diýip, CGTN habar berýär.  Uçarmansyz uçar bir tonna çenli ýüki götermäge we desant...

20.03.2025 11:54
3.1k+

Hytaý kosmosda magdan gazmak üçin alty aýakly robot döretdi

Hytaýyň Magdan işleri we tehnologiýalary uniwersitetiniň inženerleri mör-möjege meňzeýän robot ýasadylar. Ol kosmosda magdan gazyp almak üçin niýetlenendir. Adaty bolmadyk täze önüm barada Hytaýyň Merkezi telewideniýesinde...

15.03.2025 08:21
1.7k+

SpaceX-e bäsdeş: Hytaýyň Starry Sky Glory kompaniýasy gaýtadan ulanylýan raketalary gurup başlar

Hytaýyň Starry Sky Glory kompaniýasy nobatdaky maliýeleşdiriş tapgyryny üstünlikli tamamlap, ýüz millionlarça ýuan toplady. Bu maliýe serişdeleri gaýtadan ulanylýan «Hyperbola-3» raketa göterijilerini öndürmek...