25-nji fewralda Türkmenistanyň Italiýadaky ilçisi T.Kömekow Italiýanyň Prezidentiniň diplomatik geňeşçisi Fabio Kasseze bilen duşuşyk geçirdi. Duşuşyk Italiýa Respublikasynyň Prezidentiniň Kwirinal köşgünde geçirildi. Bu barada türkmen daşary syýasat edarasynda habar berdiler.
Duşuşygyň dowamynda F.Kassezä Türkmenistanyň Halk Maslahatynyň Başlygy Gurbanguly Berdimuhamedowyň adyndan Italiýa Respublikasynyň Prezidenti Serjio Mattarella ýollanan 2025-nji ýylyň Halkara parahatçylyk we ynanyşmak ýyly diýip yglan edilmegine we Türkmenistanyň Bitaraplygynyň 30 ýyllygyna bagyşlanan Halkara foruma çakylygy gowşurdy.
Duşuşykda taraplar syýasy-diplomatik, söwda-ykdysady we medeni-ynsanperwer ugurlarda ikitaraplaýyn hyzmatdaşlygyň wajyp meselelerini ara alyp maslahatlaşdylar.
