Saud Arabystanynda Dream of the Desert kaşaň otlusynyň taslamasy hödürlendi. Ol Arap çölüniň üsti bilen, takmynan, 1255 km uzynlykdaky ugur boýunça gatnap, Er-Riýady patyşalygyň Iordaniýa bilen demirgazyk serhediniň golaýyndaky Al-Kuraýýat şäheri bilen birleşdirer.
Bäşýyldyzly otlynyň taslamasy Arsenale italýan brendi bilen bilelikde işlenip taýýarlandy diýip, Metro neşiri habar berýär.
Otly ilkinji syýahatyna 2026-njy ýylyň ahyrynda ugrar. Nyrhlar heniz tassyklanmadyk. Häzir ýerli we halkara şef-aşpezleriň tagamlaryny öz içine aljak menýunyň üstünde işlenýär.
14 wagonda 34 lýuks otagy ýerleşer. Liwanly binagär Alina Asmar d’Amman tarapyndan döredilen interýerler çöl peýzažlaryndan we yslam binagärliginden ylham alýar.
“Bu Saud Arabystanynyň çöl peýzažyna medeni taýdan aralaşmak üçin kaşaň syýahat” – diýip, ol belledi.
Ugur ÝUNESKO-nyň Bütindünýä mirasynyň sanawyna girýän Haýlyň hem-de Al-Jufuň üsti bilen geçer.
Taslama Saud Arabystanyna ýylda 150 mln syýahatçyny çekmäge gönükdirilen “Görüş 2030” meýilnamasynyň bir bölegidir.
