Sony Group Corporation Ýaponiýada ikinji uly kompaniýa öwrüldi. Häzir onuň kapitalizasiýasy 152,36 mlrd dollar bolup, diňe Toyota kompaniýasyndan yza galýar.
1946-njy ýylda Tokyo Tsushin Kogyo ady bilen döredilen Sony Ýaponiýada kiçi kompaniýadan iň uly transmilli konglomeratlaryň birine öwrülýänçä uzak ýol geçdi. Häzir ol kapitalizasiýasy 148,27 mlrd dollar bolan Mitsubishi-den öňde barýar.
Ýöne kapitalizasiýasy 234,39 mlrd dollar bolan iň uly ýapon kompaniýasy Toyota-nyň yzyndan ýetmekden Sony heniz uzakda.
Sony bu netijelere, esasan, kompaniýanyň esasy girdeji çeşmesi bolan PlayStation bölümçesiniň üstünliginiň esasynda ýetmegi başardy.
Tokyo Tsushin Kogyo-nyň ilkinji önümi 1940-njy ýyllaryň ahyrynda çykarylan elektrik tüwi gaýnadylýan enjam bolupdy. Bu gurluş soňlugy bilen tehnologiýa we güýmenje pudagynda dünýä liderine öwrülen kompaniýa üçin başlangyç nokat boldy.
Häzir Sony kompaniýalar toparynyň düzümine şular girýär: sarp ediş we professional elektronikany öndürýän Sony Corporation, aýdym-saz we güýmenje kompaniýalary Sony Music Entertainment (Columbia Records) we Sony Music Entertainment Japan (Aniplex), Sony Pictures (Columbia Pictures, Sony Pictures Television we Crunchyroll) kinokompaniýasy we Sony Interactive Entertainment (PlayStation Studios, PlayStation Productions и Bungie) wideooýun we güýmenje kompaniýasy.
