Kianu Riwz “Konstantin” filminiň dowamynyň üstünde işleýär. I bölüm 2005-nji ýylda çykdy

  • 26.02.2025 09:30
  • 2.1k+

DC Studios “Konstantin: Tümlügiň hökümdary” elhençlikler filminiň dowamy üçin ssenariý taýýarlamaga rugsat berdi. Bu barada asyl filmiň baş gahrymany Kianu Riwz “Inverse” neşiri bilen söhbetdeşlikde aýtdy.

Aktýor režissýor Frensis Lorens we ssenariçi Akiwa Goldsman bilen bilelikde taslamanyň üstünde işleýär.

“Biz eýýäm 10 ýyldan gowrak wagt bäri dowamyny düşürmäge synanyşýarys. Ýakynda biz hekaýaty düzüp, ony DC Studios-a hödürledik. Olar rugsat berdi. Indi biz ssenariý ýazmaga synanyşarys” – diýip, aktýor aýtdy.

Ilkinji film 2005-nji ýylda çykdy we 70-100 mln dollar býujet bilen 230,8 mln dollar gazandy. Öz döwründe film tankytçylardan dürli seslenme aldy, ýöne ahyrynda meşhur bolmagy başardy.
Onuň dowamynyň wakalary birinji bölümdäki ýaly garaňky älemde ýaýbaňlanar.

“Biz birinji bölümden daşlaşmarys. Ýöne Jon Konstantine täze azaplar garaşýar” – diýip, Riwz belledi.

Mundan öň prodýuser Lorenso di Bonawentura ssenariniň bir wariantynyň heniz 2024-nji ýylyň sentýabrynda taýýar bolandygyny habar beripdi.
Tilda Suintonyň asyl filmdäki keşbine gaýdyp geljekdigi ýa-da ýokdugy häzirlikçe belli däl. Aktrisa kärdeşleriniň meýilnamalary barada hiç zat bilmeýändigini aýtdy.


düýn 16:00
1.7k+

Netflix-iň çykaran filmi ilkinji gezek ABŞ-da prokatyň öňdebaryjysy boldy

Netflix-iň “Keý-pop melgun awçylary” animasion filmi amerikan prokatynda birinji orny eýeledi. Ilkinji dynç günleri film 18-20 mln dollar töweregi gazandy diýip, Variety habar berýär. Adatça Netflix kinoteatr relizlerinden gaça durýar...

düýn 14:29
3.7k+

«Awatar 3-iň» täze kadry peýda boldy. Onda öňki ganhor gaýdyp gelýär

«Awatar: Ot we kül» (Avatar: Fire And Ash) filminiň premýerasy şu ýylyň iň köp garaşylýan kino wakalarynyň biridir. Jeýms Kemeronyň franşizasynyň üçünji bölüminiň 19-njy dekabrda görkezilmegine garaşylýar. Häzirlikçe döredijiler taslama barada bölekleýin maglumatlary paýlaşýarlar...

26.08.2025 14:13
1.8k+

Lego «Willi Wonka we şokolad fabrigi» filmi esasynda toplum çykarar

Lego 1971-nji ýylda çykarylan «Willi Wonka we şokolad fabrigy» filminiň esasynda täze konstruktoryň çykarylýandygyny mälim etdi diýip, HypeBeast habar berýär. Toplum 2025 sany detal bilen düzülip, şokolad şaglawugyny we derýany ýygnamaga mümkinçilik berýär...

26.08.2025 14:03
2.4k+

Warner Bros. basketbolçy Kobi Braýant hakynda film düşürer

Warner Bros. Pictures kompaniýasy basketbolçy Kobi Braýant hakynda film taýýarlamaga girişýär. Variety neşiriniň habar bermegine görä, studiýa onuň durmuşy barada ýazylan deslapky ssenarini satyn alypdy. Filmiň wakalary hakyky durmuş wakalaryna esaslanýar...