«EV Database» maglumatlaryna görä, 2025-nji ýyl üçin bahasyna görä ýol ätiýaçlygy iň ýokary bolan elektrikli awtoulaglaryň sanawy düzüldi. Sanawda arzan şäher ulaglaryndan başlap premium sedanlara çenli dürli görnüşde awtoulaglar bar diýip, 32cars.ru ýazýar.
7-nji orun – BYD Seal
Hytaýyň elektrikli sedany 82,5 kWt-sagatlyk akkumulýator bilen enjamlaşdyrylan. Onuň ýol ätiýaçlygy 480 km-e ýetýär. Bahasy takmynan 45 müň ýewro bolup, bir kilometr ýol üçin çykdajy 94 ýewro düşýär.
6-njy orun – BYD Dolphin
BYD kompaniýasynyň ýene bir modeli – 60,4 kWt-sagatlyk akkumulýator bilen üpjün edilen bu ulag 350 km ýol geçýär. Başlangyç bahasy 33 müň ýewro bolup, bir kilometr ýol üçin çykdajy 94 ýewro düşýär.
5-nji orun – Kia EV3
Koreý brendiniň ykjam krossoweri 81,4 kWt-sagatlyk akkumulýator bilen gelýär we 455 km ýol ätiýaçlygy bar. Başlangyç bahasy 41 müň 390 ýewro bolup, bir kilometr ýol üçin çykdajy 91 ýewro düşýär.
4-nji orun – Citroen e-C3
Bu kiçi elektrikli awtoulagda 44 kWt-sagatlyk akkumulýator bar we ol 260 km ýol ätiýaçlygyny hödürleýär. Bahasy 23 müň 300 ýewro bolup, bir kilometr ýol üçin çykdajy 90 ýewro düşýär.
3-nji orun – Hyundai Inster
Täze model 46 kWt-sagatlyk akkumulýator bilen enjamlaşdyrylyp, 295 km ýol ätiýaçlygyny üpjün edýär. Onuň bahasy 25 müň 400 ýewrodan başlap, bir kilometr ýol üçin çykdajy 86 ýewro düşýär. Bu ulag şäherde ulanylýan elektromobilleriň arasynda öňdäki orunlaryň birini eýeleýär.
2-nji orun – Tesla Model 3
Täzelenen Model 3 75 kWt-sagatlyk akkumulýator bilen üpjün edilen we ol 545 km ýol ätiýaçlygyny hödürleýär. Onuň bahasy 45 müň ýewrodan başlap, bir kilometr ýol üçin çykdajy 83 ýewro düşýär. Bu ulag premium modelleriň arasynda iň gowy görnüşleriň biridir.
1-nji orun – Leapmotor T03
Hytaýyň ykjam elektrikli awtoulagy 36 kWt-sagatlyk akkumulýator bilen üpjün edilen we ol 230 km ýol ätiýaçlygyny hödürleýär. Bahasy 18 müň 900 ýewro bolup, bir kilometr üçin çykdajy diňe 82 ýewro düşýär. Bu model bazardaky iň tygşytly elektrikli awtoulaglaryň biri.
Bu modeller elektrikli ulag pudagyndaky täze standartlary kesgitleýärler we alyjylara iň arzan baha bilen uzak ýol ätiýaçlygyny hödürleýän amatly çözgütleri üpjün edýärler.
