Xiaomi Group-yň prezidenti Lu Weýbing Germaniýada Xiaomi SU7 Ultra flagman elektromobiliniň iki günlük synagyny geçirdi. Ol Berlin-Gamburg we Gamburg-Frankfurt ugurlary boýunça, takmynan, 800 km geçdi. Kompaniýa 2027-nji ýylda Ýewropanyň elektromobil bazaryna çykmaga taýýarlanýar.
Lu Weýbing Germaniýada zarýad stansiýalarynyň infrastrukturasynyň ösendigini belledi. Ol SU7 Ultra-nyň stansiýalarda ünsi özüne çekendigini, käbir adamlaryň bolsa modeli adyndan tanandygyny aýtdy.
Onuň sözlerine görä, bu Germaniýanyň käbir ýerlerinde tizlik çäklendirmesi bolmadyk awtobanynda ilkinji sürüş tejribesi boldy. Synag wagty elektromobil tizligini 260 km/sag çenli artdyrdy we ýolda durnuklylygy saklady.
SU7 Ultra modeli 93,7 kWt/sag we 897 W CATL Qilin II akkumulýatoryny aldy, bu hem bir zarýadda CLTC sikli boýunça 630 km çenli ýol geçmäge mümkinçilik berýär. 100 km/sag çenli tizligi artdyrma 1,98 sekunt wagt alýar, iň ýokary tizlik 350 km/sag ýetýär.
Şeýle-de, kompaniýa Xiaomi-niň awtomobil bölümçesiniň 2026-njy ýylyň ikinji çärýeginde girdeji gazanmagy meýilleşdirýändigini habar berdi.
