Microsoft korporasiýasy Windows 11-i (24H2 Build 26120.3281 wersiýasy) täzeläp, Ýewropa Bileleşiginiň ýurtlaryndaky ulanyjylar üçin “Ýolbelet” (Проводник) programmasyndan şahsy teklipleri aýyrdy. Windows Latest-iň habar bermegine görä, üýtgeşmeler “Soňkular” (Недавние), “Maslahat berilýänler” (Рекомендуемое) we “Saýlananlar” (Избранное) bölümlerine täsir etdi.
Kompaniýa bu üýtgeşmeleri ÝB-de 2018-nji ýyldan bäri hereket edýän Maglumatlary goramak boýunça umumy düzgüne (General Data Protection Regulation, GDPR) laýyk gelmek üçin girizdi. Bu kanun şahsy maglumatlary ýygnamagy, saklamagy we ulanmagy düzgünleşdirýär.
Öň “Ýolbelet” ulanyjylaryň ýakynda giren faýllaryny hem-de guramadaky kärdeşleriň işlän resminamalaryny görkezýärdi. Indi ol diňe ýerli faýllary görkezer. Bu onuň işini hem tizleşdirip biler, çünki mazmuny gaýtadan işlemek we yzarlamak üçin serişde sarp etmez.
Üýtgeşmeler korporatiw ulanyjylar üçin aýratyn wajypdyr, sebäbi guramalarda ulanylýan Dev we Beta kanallaryna täsir edýär.
