Los-Anjelesde Kinoaktýorlar gildiýasynyň baýragynyň (SAG) 31-nji gowşurylyş dabarasy geçirildi. Iň gowy aktýorlar düzümi üçin baş baýragy Rim papasynyň saýlanmagy baradaky “Konklaw” trilleri aldy.
Režissýor Edward Bergeriň bu filminde Reýf Faýns, Stenli Tuççi, Izabella Rosselini, Jon Litgou, Serjio Kastellito we Merab Ninidze oýnady. Film tankytçylardan gowy syn aldy we geljekki “Oskarda” 8 baýrak, şol sanda iň gowy erkek keşbi (Faýns) we ikinji plandaky iň gowy zenan keşbi (Rossellini) üçin baýrak ugrunda bäsleşer.
Iň gowy aktýor hökmünde SAG baýragyna “Düýbünden nätanyş” (Никому не известный) terjimehal filminde ýaş Bob Dilanyň keşbi üçin Timoti Şalame mynasyp boldy. Iň gowy aktrisa diýlip “Substansiýa” filmindäki keşbi üçin Demi Mur ykrar edildi.
87 ýaşly Jeýn Fonda karýera üstünlikleri üçin hormat baýragyny aldy.
Galan ýeňijileriň sanawy:
- Ikinji plandaky iň gowy aktýor:
Kiran Kalkin – “Hakyky agyry” (Настоящая боль)
- Ikinji plandaky iň gowy aktrisa:
Zoi Saldana – “Emiliýa Peres” (Эмилия Перес)
- Filmde iň gowy kaskadýorlar düzümi:
“Kaskadýorlar” (Каскадёры)
- Drama serialynda iň gowy aktýorlar ansambly:
“Sýogun” (Сёгун)
- Drama serialynda iň gowy aktýor:
Hiroýuki Sanada – “Sýogun”
- Drama serialynda iň gowy aktrisa:
Anna Sawai – “Sýogun”
- Komediýa serialynda iň gowy aktýorlar ansambly:
“Bir binadaky ölüm” (Убийства в одном здании)
- Komediýa serialynda iň gowy aktýor:
Martin Şort – “Bir binadaky ölüm”
- Komediýa serialynda iň gowy aktrisa:
Jin Smart – “Hileler” (Хитрости)
- Mini-serialda ýa-da telefilmde iň gowy aktýor:
Kolin Farrell – “Pingwin” (Пингвин)
- Mini-serialda ýa-da telefilmde iň gowy aktrisa:
Jessika Ganning – “Sugun çagasy” (Оленёнок)
- Telewideniýede iň gowy kaskadýorlar düzümi:
“Sýogun”
