Time žurnaly “Ýylyň zenanlarynyň” sanawyny çap etdi. Bu ýylky sanawa "has gowy, has adalatly dünýäni döretmek üçin özleriçe özboluşly iş alyp barýan" 13 zenan girdi.
Hususan-da, sanawda Golliwudyň ýyldyzy, “Oskar” baýragynyň we alty sany “Altyn globusyň” eýesi Nikol Kidman, şeýle hem “Sýogun” serialynda Mariko-sanyň keşbiniň üsti bilen tanymal bolan ýaponiýaly aktrisa Anna Sawai bar.
Şeýle hem 2025-nji ýyldaky sanawda:
- amerikaly basketbolçy Eýja Wilson,
- amerikaly gimnast Jordan Çaýlz,
- islandiýa-hytaý jaz-pop aýdymçysy Leýweý (Laufey),
- amerikaly aktrisa, model, teleýaýlymyň alyp baryjysy we ýazyjy Oliwiýa Mann,
- afro-amerikan ýazyjysy we aktiwisti Rakel Willis,
- adam hukuklaryny goraýjy fransuz aktiwisti Žizel Peliko,
- biolog we daşky gurşawyň goragy boýunça aktiwist Purnima Dewi Barman,
- amerikaly aktiwist Amanda Zurawski,
- gambiýaly aktiwist Fatu Balde,
- ABŞ-da açlyga garşy göreşýän Feeding America guramasynyň baş direktory Kler Babino-Fonteno,
- Bobbie çagalar iýmiti kompaniýasynyň esaslandyryjysy we baş directory Laura Modi.
Bu saýlanan gahryman zenanlar her gün dünýäde aýal-gyzlaryň ýüzbe-ýüz bolýan meselelerine, şol sanda gender deňsizligine we howanyň üýtgemegine garşy göreşýär.
2017-nji ýylda Nikol Kidman Golliwudda deňagramlylygy dikeltmek üçin her 18 aýdan azyndan bir zenan režissýor bilen işleşjekdigini aýtdy. Şondan bäri aktrisa 19 zenan režissýoryň filmleri we seriallary surata düşüriş işine gatnaşdy.
