Volvo Trucks ilkinji gezek Ýewropanyň agyr ýük ulag bazarynda lider boldy. 2024-nji ýylyň jemlerine görä, kompaniýa bazaryň 17,9%-ini eýeläp, jemi 56 müň 331 sany ýük ulagyny satdy. Metbugat beýannamasyna görä, iň köp satuw amala aşyrylan ýurtlar Beýik Britaniýa, Fransiýa, Germaniýa, Polşa we Ispaniýa boldy.
Volvo Trucks kompaniýasynyň Prezidenti Rojer Alm müşderileriň ýük ulaglarynyň ýangyç tygşytlylygyna, howpsuzlygyna we ygtybarlylygyna ýokary derejede baha berýändigini belledi. Kompaniýanyň üstünlik gazanmagynda elektrikli, benzinli we dizel hereketlendirijiler bilen hödürlenýän täze «FH Aero» model hatarynyň uly orny bardyr.
Volvo Trucks şonuň ýaly-da 25 ýurtda bazar paýyny artdyrdy. Braziliýada kompaniýa yzly-yzyna üçünji ýyl 23,7% bazar paýy bilen liderlik ornuny saklap gelýär. Awstraliýada bu görkeziji 18,2%, ABŞ we Kanadada bolsa 10,5% boldy. Bu ösüş ýangyç tygşytlylygyna we ekologiýa taýdan arassa ýük ulaglaryna gyzyklanma bildirýän iri logistika kompaniýalary sebäpli, GDA ýurtlarynyň bazaryna-da täsir edip biler.
