Rolls-Royce kompaniýasy Black Badge hatarynyň üstüni ýetiren Spectre elektrik kupesiniň täze görnüşini hödürledi. Ol brend üçin rekord aýratynlyklara eýe boldy diýip, Tarantas.news ýazýar.
Awtomobil 659 at güýjüni berýär, ýöne doly güýç diňe bellibir režimler işjeňleşdirilen ýagdaýynda elýeterlidir. Launch Control bilen meňzeş bolan Spirited Mode režiminde awtomobil 4,1 sekuntda tizligini 96 km/sag çenli artdyrýar, bu adaty modelden 0,4 sekunt tizdir.
Rahatlygy we dolandyryjylygy ýokarlandyrmak üçin şassi we kuzowy dolandyryş ulgamy täzelendi. Amortizatorlar “sarsgyny” azaldýar, rul dolandyryşy bolsa has takyk hereketi üpjün edýär.
Modeliň daşky görnüşi hem täzelendi: kuzowyň täze reňki Vapour Violen we eksklýuziw 23 dýuýmlyk tigir diskleri awtomobiliň özboluşlylygyny görkezýär. Interýerde tükeniksizlik nyşany bolan elementler ulanylýar. Dekoratiw goşundylar uglerod sapaklarynyň örümini ulanmak bilen ýerine ýetirildi.
Kompaniýa häzirlikçe täze Black Badge Spectre ulagynyň bahasyny we satuwynyň başlanjak senesini mälim etmedi.
