Microsoft kompaniýasy wideooýunlary döretmäge ukyply bolan Muse generatiw modelini anons etdi. Tehnologiýa Ninja Theory studiýasy bilen bilelikde işlenip taýýarlandy we ulanyjynyň hereketlerine jogap hökmünde oýun dünýälerini döredip biler.
Model 2020-nji ýylda çykan Bleeding Edge ekşeniniň we 1 milliarddan gowrak dürli maglumatlaryň esasynda okadyldy.
Kompaniýa Muse-yň oýun işläp düzüjileriň ornuny eýelemejekdigini, tersine, olara mehanikalary synagdan geçirmäge, bar bolan taslamalara kontent goşup, umuman, oýny çalt işläp düzmäge kömek etjekdigini aýtdy.
Häzirki wagtda Muse beýan etmegiň esasynda bary-ýogy 10 FPS kadr ýygylygy bilen oýun dünýäsini döredip bilýär. Microsoft neýroulgamyň kämilleşjekdigini we netijede işläp düzüjiler üçin örän amatly gurala öwrüljekdigini belledi.
