Prada, öň Capri Holdings-iň bir bölegi bolan, Versace modalar öýüni satyn alýandygyny habar berdi. Şertnamanyň bahasy 8,5 milliard dollar boldy. Bu barada Boring Not Com-iň insaýderleri habar berýärler.
Donatella Wersaçe kompaniýada galar we döredijilik işlerine ýolbaşçylyk eder. Şeýle-de bolsa, brendi täzeden aýaga galdyrmak bilen Miu Miu-nyň dizaýn boýunça müdiri Dario Witale meşgullanar.
Ondan öň Versace-ni Coach, Kate Spade we Stuart Weitzman brendlerine eýe bolan Tapestry satyn almaga synanyşdy. Emma bu şertnama ABŞ-nyň Federal söwda komissiýasy tarapyndan petiklenipdi.
Lýuks önümleri bazarynyň pese düşýän şertlerinde Prada ösmegini dowam etdirýän az sanly kompaniýanyň biri bolmagynda galýar. Mysal üçin, 2024-nji ýylyň üçünji çärýeginde kompaniýa Miu Miu brendiniň üstünligi arkaly girdejisiniň 18 göterim ýokarlandygyny habar berdi.
