Hytaýly inženerler nebiti diňe bir gazyp almak bilen çäklenmän, eýsem ony saklamak we daşamak üçin hem niýetlenen äpet innowasion gämini gurdular. Bu gämi uglerody gazyp almak we saklamak üçin ýörite enjamlar bilen üpjün edildi diýip, «South China Morning Post» neşiri ýazýar.
Täze gäminiň uzynlygy 333 metr, ini bolsa 60 metr. Ol her günde 120 müň barrel (19 müň m3-dan gowrak möçber) çig nebit çykarmaga ukyplydyr.
Gämi tüssäniň ýylylyk energiýasyny elektrik energiýasyna öwürýär. Bu daşky gurşawa ýetýän zyýany azaltmaga we energiýanyň netijeliligini ýokarlandyrmaga ýardam berýär.
