Ilon Mask SpaceX-iň 2026-njy ýylyň noýabr aýynda xAI-niň Grok 3 emeli aň bilen işleýän Optimus robotlaryny iberjekdigini habar berdi. Bu barada Cointelegraph neşiri habar berdi.
Ýer bilen Marsyň arasynda uçuş üçin amatly penjire her 26 aýdan bir gezek açylýar. Şol wagt Gyzyl Planeta bize iň ýakyn aralykda ýerleşýär. Hasaplamalara görä, indiki amatly pursat geljek noýabr aýynda bolar diýlip çaklanylýar we SpaceX pursaty sypdyrmak islemeýär.
Mask X sosial ulgamynda: "Eger hemmesi zat oňuna bolsa, SpaceX [aerokosmos kompaniýasy] Marsa awtonom robotlar we Grok atly emeli aň bilen birlikde Starship kosmos gämisini iberer" – diýip mälim etdi.
Alymlar Marsy özleşdirmekde häzirki tehnologiýalar şertlerinde robotlaşdyrylan ulgamlary ulanmaklygyň kosmonawtlary ibermekden has netijeli boljakdygy bilen ylalaşýarlar.
Bu missiýanyň Ilon Maskyň üç esasy kärhanasynyň bir taslamanyň çäginde edýän tagallalaryny birleşdirýändigini bellemelidiris: ýagny, kosmos tehnologiýalary we gaýtadan ulanylýan raketalar pudagynda öňdebaryjy - SpaceX; diňe bir elektrik awtoulaglary bilen däl, eýsem robot önümçiligindäki işläp taýýarlaýyşlary (Optimus gumanoid roboty) bilen hem tanalýan kompaniýa - Tesla; çylşyrymly ylmy meseleleri çözmek üçin nerw ulgamlarynyň indiki neslini döretmäge gönükdirilen başlangyç - xAI.
