Italiýaly fizikleriň topary ýokumly maddalary saklamaga hem-de belok bilen ýumurtganyň sarysynyň ideal gurluşyny gazanmaga mümkinçilik berýän ýumurtgany gaýnatmagyň iň gowy usulyny tapdy. Alymlar bu meselä ýörite gözleg bagyşlap, onuň netijelerini Communications Engineering žurnalynda ýerleşdirdi.
Ýumurtgany taýýarlamakda esasy kynçylyk belok bilen ýumurtga sarysyny gatatmak temperaturasynyň tapawudy bilen baglanyşyklydyr. Belok 85 gradusda, ýumurtga sarysy bolsa 65 gradusda gaty bolýar. 100 gradus temperaturaly gaýnan suwda gaýnadylanda ýumurtga sarysy has gaty bolup biler, 60-70 gradus suwda bolsa belok ýeterlik derejede gyzmaýar.
Alymlar ýumurtganyň ýylylyk geçirijiligini öwrenip, modelirlemäniň kömegi bilen iň gowy netijäniň şeýle gazanylýandygy baradaky netije geldi: ýumurtgany gaýnan suwa (100°C) we ýyly suwa (30°C) iki minut wagt aralygy bilen gezekli-gezegine salmaly. Bu prosedurany 32 minutyň dowamynda gaýtalamaly.
Bu usul 67 gradusa çenli gyzdyrylýan ýumurtga sarysynyň krem görnüşli konsistensiýasyny üpjün edýär we ýumşaklygy hem-de ýokumlylygy saklaýar.
“Bu aýratyn termiki profil ýumurtgany ähli tarapdan iň gowy derejede taýýarlamaga mümkinçilik berýär” – diýip, Possuolidäki Milli gözleg geňeşinden Pellegrino Mustonyň topary belledi.
Ylmy gözlegçiler şeýle çemeleşmäniň aşpezlik usulyny kämilleşdirjekdigine we ýumurtgany taýýarlamagyň has ýokary hilini üpjün etjekdigine ynanýar.
