“Dýuna: Messiýa” filminiň önümçiligi 2025-nji ýylyň iýun aýynda başlar. Bu barada Deadline neşiriniň žurnalisti Baz Bambigboý habar berýär.
Warner Bros. studiýasy bu maglumatlara teswir bermedi we filmiň anyk senesi häzirem belli däl. Üçünji bölümde režissýor wezipesine Deni Wilnýow gaýdyp geler – trikwel onuň ýolbaşçylygynda düşürilen franşizanyň soňky filmi bolar.
“Messiýanyň” sýužeti ikinji bölümden 12 ýyldan soň ýaýbaňlanyp, Pol Atreýdesiň hökümdarlygy barada gürrüň berer. Film Frenk Gerbertiň adybir romanyna esaslanýar. “Messiýada” öz rollaryna Timoti Şalameniň, Zendaýanyň, Florens Pýunyň, Anýa Teýlor-Joýuň we beýlekileriň gaýdyp gelmegine garaşylýar.
Ilkinji “Dýuna” 2021-nji ýylda hödürlendi, onuň dowamy bolsa 2024-nji ýylda çykdy. Iki film dünýä prokatynda jemi 1,1 mlrd dollar gazandy. Güýzde HBO platformasynda “Dýuna: Welilik” (Дюна: Пророчество) serial-prikweli görkezilip başlandy. Şou eýýäm ikinji möwsüme uzaldyldy.
