Photonics kompaniýasy JUMBO162 atly dünýäniň iň uly OLED displeýini hödürledi. Onuň diagonaly 767 dýuýma, ululygy 17 x 9,5 metre, meýdany bolsa 161,5 inedördül metre barabar. Öňki rekord hem şu kompaniýa degişlidi, emma öňki displeýiň ölçegleri munuň ýarysy ýalydy diýip, «TechRadar» neşiri ýazýar.
JUMBO162 köpçülikleýin çäreler we mahabat bildirişleri üçin niýetlenendir. Ol 4K çözgütde we 5000 kd/kw.m ýagtylykda işleýär.
Şemal göz öňünde tutulyp işlenip düzülen ekran 61 km/s tizlikdäki ýeliň täsirine garşy durup bilýär.
Gurluşyň üýtgeşik aýratynlygy – uly aýagy we stendi bolup, ol ekrany äpet ölçegdäki adaty monitora meňzedýär. Enjamyň bahasy barada häzirlikçe maglumat berilmedi.
