Türkmen döwlet maliýe instituty mart aýynda ýokary okuw mekdepleriniň talyplarynyň arasynda “Bitaraplyk ýoly – parahatçylygyň we ynanyşmagyň ýoly” atly onlaýn olimpiada geçirer. Bu barada Orient agentligi habar berýär.
Olimpiadanyň test soraglary bitaraplygyň taryhy kökleri, Türkmenistanyň Halk Maslahatynyň Başlygy Gurbanguly Berdimuhamedowyň, şeýle hem Türkmenistanyň Prezidenti Serdar Berdimuhamedowyň çykyşlarynda hemişelik Bitaraplygymyzyň aýratynlyklary, “Halkara parahatçylyk we ynanyşmak ýyly” we onuň nyşany; halkara gatnaşyklarda bitaraplyk syýasaty ýaly mowzuklara esaslanar.
Bäsleşik türkmen dilinde geçirilýär. Her bir ýokary okuw mekdep 5 talyby hödürläp biler. Olar bir sagadyň dowamynda 60 sany test soraglaryna dogry jogap bermeli.
Onlaýn-olimpiada 17-nji martda sagat 15:00-da başlap, oňa Türkmenistanyň döwlet maliýe institutynyň sanly platformasy arkaly gözegçilik ediler.
Olimpiada gatnaşjak talyplaryň sanawyny we olar baradaky maglumatlary guycmyratsoltanmyradow@gmail.com elektron salgysyna 15-nji marta çenli ugratmaly.
1, 2 we 3-nji ýerlere mynasyp bolan talyplar Türkmen döwlet maliýe institutynyň rektorlygynyň adyndan diplomlar bilen sylaglanar.
Habarlaşmak üçin telefon belgileri:
+99365 55-33-66;
+99365 41-00-55;
+99363 24-99-50.
