Täze “Kapitan Amerika: Ajavyp täze dünýä” atly film Marvel kino äleminiň taryhynda tomaşaçylaryň iň pes bahasyna eýe boldy.
CinemaScore-da tomaşaçylar filme “B-” baha berdi. Bu Marvel-iň filmi üçin iň ýaramaz netijedir. Hatda “Kapitan Marvel 2” bilen “Garynja adam we Ary: Kwantomaniýa” ýaly şowsuz hasaplanan filmleriň hem bahalandyrmasy biraz ýokary boluňdy - "B".
Rotten Tomatoes saýtynda film 234 synyň esasynda diňe 50% oňyn seslenme aldy, ortaça bahalandyrmasy bolsa 10-dan 5,5 boldy.
Şol bir wagtyň özünde, tankytçylar Entoni Makiniň täze Kapitan Amerikanyň keşbinde şowly çykyş edendigini belleýärler, ýöne sýužetiniň içgysgynçdygyndan we beýleki filmlere salgylanmalaryň köpdüginden zeýrenýärler. Metacritic-iň bahasy hem öwerlik däl. Ol bu filme 100-den 42 bal berdi, bu esasan negatiw seslenmeleriň köpdügini görkezýär.
Bu sýužetleriň gowşakdygy, täze pikirleriň ýokdugy we gahrymanlaryň düşnüksizdigi üçin Marveliň ilkinji gezek tankyt edilişi däl. Emma “Kapitan Amerikanyň” şowsuzlygy Marvel Studios-yň ýolbaşçysy Kewin Faýgi we onuň topary üçin duýduryjy yşarat bolup biler. Olar täze film döretmeklige bolan çemeleşmelerini gaýtadan gözden geçirmeli bolarlar.
