Airbus korporasiýasy öz uçarlaryny iki gatly ýolagçy oturgyçlary bilen enjamlaşdyrmak mümkinçiligini öwrenýär. Şeýle etmek bilen olar ekonom klas ýolagçylarynyň daryşganlyk meselesini çözmek isleýärler.
Bu teklibi baryp, birnäçe ýyl mundan ozal, Chaise Longue awiasiýa startapy hödürläpdi. Emma Airbus-yň inženerleri ýolagçylary iki gatly oturgyçlarda oturtmak düşünjesi bilen häzir gyzyklanyp başladylar.
Chaise Longue-niň dizaýneri we ýerine ýetiriji direktory Alehandro Nunýes Wisenteniň pikirine görä, “plaskart” görnüşde oturdylanda aşaky gatdaky ýolagçylar aýaklaryny doly uzadyp bilerler, ýokarky gatdaky ýolagçylar bolsa oturgyçlaryny aňrybaş arkan serpip bilerler.
Emma internet ulanyjylary täze düşünjäni bimany hile, onuň maksady bolsa salona mümkin boldugyça köp ýolagçyny ýerleşdirmek diýip hasapladylar.
