Britni Spirs MTV tarapyndan 2000-nji ýyllaryň iň beýik artisti diýlip ykrar edildi. Aýdymçynyň soňky konsertini ýedi ýyl mundan ozal berendigine we täze aýdymlarynyň, çykyşlarynyň ýokdugyna garamazdan, onuň ady KHBS-de wagtal-wagtal peýda bolýar.
Şeýle-de, onuň aýdymlaryna diňe bir muşdaklary däl, eýsem beýleki sazandalar tarapyndan häzirem uly isleg bildirilýär. Olar Spirsiň döredijiliginden ruhlanyp, onuň aýdymlaryna kawer çykarýar.
Şeýle-de, iň beýik artistleriň sanawynda Eminem, Black Eyed Peas we Beýonse bar. Olaryň yzyndan Şakira we The Killers topary gelýär. Altynjy orny Jastin Timberleýk, ýedinji orny Rianna eýeledi. Sanawyň yzyny Maroon 5 we Kaýli Minoug dowam etdirdi.
Iň beýik artistler göni ýaýlymda yglan edildi.
Ýatlap geçsek, Universal studiýasy awtobiografik kitap boýunça Britni Spirs barada terjimehal filmi düşürmäge taýýarlanýar.
