Hytaýyň Hunan welaýatynda ýangyn söndürijiler ilkinji gezek heläkçilik-halas ediş we beýleki wezipeler üçin niýetlenen täze X30 robot itini ulandy. Bu barada Global Times habar berýär.
Robot DEEP Robotics kompaniýasy tarapyndan işlenip düzüldi we birnäçe özboluşly häziýetlere eýedir. Onuň uzynlygy 1 metr töweregi bolup, agramy 56 kg barabar. Robot it Selsiý boýunça -20 gradusdan +50 gradusa çenli temperaturada işläp bilýär.
Ulanylyşa goýberilmezden öň X30 ýangyn okuw-türgenleşiklerinde we hakyky adatdan daşary ýagdaýlarda synagdan geçirildi.
Robot heläkçilik-halaş ediş işlerinde, polisiýa patrullarynda, şeýle-de elektrik üpjünçilik ulgamlaryny barlamak we beýleki wezipeleri ýerine ýetirmek üçin ulanylýar. Ol uzak aralykdan dolandyryş we ikitaraplaýyn aragatnaşyk bilen üpjün edilen bolup, ýangyn söndürijilere uzakdan dolandyrmaga we tüssäniň, zyýanly gazlaryň derejesi we beýleki howplar barada möhüm maglumat almaga mümkinçilik berýär.
Şeýle-de, robot giňişligi skanirläp, ýeriň kartasyny döredip, maglumatlary halasgärlere iberip bilýär.
