Netflix 2025-nji ýyldaky iň esasy ýapon premýeralaryny mälim etdi, olardan biri bolsa «Last Samurai Standing» atly drama serialydyr diýip, Variety neşiri habar berýär.
Serialda Edo döwrüniň (1603-1868) ahyrynda güýçlerini we statuslaryny ýitiren samuraýlaryň ýaşamak üçin rehimsiz turnirde söweşmäge mejbur bolýandyklary barada gürrüň berilýär. Oýunlaryň guramaçysy Kiotodaky Tenrýu-dzi ybadathanasynda 300 sany söweşijini jemläp, ýeňijä 100 milliard ýena baýrak wada berýär.
Serialyň baş keşbini meşhur ýapon aktýory Dzýuniti Okada ýerine ýetirýär. Ol şol bir wagtda prodýuser we söweş sahnalarynyň horeograflaryndan biri hökmünde çykyş edýär.
"Last Samurai Standing" bu Ýaponiýadaky iň güýçli we iň ussat söweşijileriň birdenkä adaty adamlara öwrülip, aman galmak üçin söweşmeli bolsalar näme boljakdygyny görkezýär. "Sýogun" bilen "Kalmar oýnunyň" utgaşmasyny göz öňüne getirip görüň» diýip, Netflix Japan-yň mazmun bölüminiň ýolbaşçysy Kaata Sakamoto düşündirýär.
«Last Samurai Standing» şu ýylyň noýabr aýynda görkezilip başlanar.
