Parižiň Café Pli kafesi üýtgeşik hyzmaty bilen dünýäniň dürli ýerinden myhmanlaryň ünsüni özüne çekdi. Kafe müşderilere hat ýazmagy we ony bir ýyl, bäş ýa-da ýigrimi ýyl öňünden geljekde özüňe ibermegi teklip edýär diýip, Daily Mail neşiri ýazýar.
Hat şem bilen möhürlenýär we eltip bermegiň seneleri görkezilen ýörite poçta gutusyna salynýar.
Hyzmatyň bahasy saklanyş möhletine bagly: bir ýyl üçin 15 ýewro, bäş ýyl – 25 ýewro, 20 ýyl – 45 ýewro. Kafe müşderi başga ýere göçen ýagdaýynda, öz saýtynda eltip bermeli ýeriň salgysyny üýtgetmäge-de mümkinçilik berýär.
Şeýle pikir Günorta Koreýadaky şeýle bir bina baryp görenden soň, kafeni esaslandyryjy Ženewýewe Landsmannyň kellesine geldi. Özboluşly konsepsiýanyň netijesinde Café Pli, aýratynam, sosial ulgamlarda meşhur ýere öwrüldi.
