Oppo öz klasynda iň ýuka smartfon boljak Find N5 eplenýän smartfonyny çykarmaga taýynlanýar. Açylgy görnüşinde galyňlygy 4,2 mm bolar, bu bolsa onuň Honor Magic V3-denem (4,35 mm) inçe boljakdygyny aňladýar diýip, Gizmochina ýazýar.
Dogrusyny aýtsak, iň inçe eplenýän enjam galyňlygy 3,6 mm-lik Huawei Mate XT hasaplanýar, ýöne ol üç eplenýär, şonuň üçinem bu kontekstde hasaba alynmaýar.
Find N5-iň epinleri bildirtmeýän ekrany bolar. Oppo-nyň önüm boýunça direktory Pit Lau smartfony Samsung Galaxy Z Fold 6 bilen deňeşdirip, bu barada habar berdi.
Mundan başga-da, Oppo inçe bolmagyň hatyrasyna batareýanyň hiline degmez - enjam kremniý-uglerod öýjük tehnologiýaly, uly sygymy bolan 6000 mAh akkumulýator bilen üpjün ediler.
Smartfon Snapdragon 8 Elite prosessory bilen işlär hem-de 100 wattlyk simli we 50 wattlyk simsiz zarýad bermegi goldaýar.
Enjam birnäçe reňkde satylar: benewşe, ak, gara. Kamera bloky - "şaýba". Umumy dizaýn stili Oppo Find N3-iňki (OnePlus Open-iň 1-nji nesli) bilen birmeňzeşdir.
Enjamyň eplengi we ýazylgy görnüşdäki suratlary Internetde ýaýrady.
Şeýle hem, AI funksiýalarynyň bardygyny tassyklaýan AI belgisi görkezilen guty görünýär. Smartfon ýaňy-ýakynda adygan DeepSeek-R1 bilen birleşdiriler.
Oppo Find N5 20-nji fewralda Hytaýda we beýleki bazarlarda çykar. Alyjylara üç reňk hödürlener: benewşe, ak we gara.
