Ýewropa 2031-nji ýylda Aýa Argonaut modulyny iberer

  • 12.02.2025 17:04
  • 1.9k+
Ýewropa 2031-nji ýylda Aýa Argonaut modulyny iberer

Ýewropa kosmos gullugy (ESA) Argonaut Aý modulyny döretmek üçin Thales Alenia Space kompaniýasy bilen, takmynan, 900 million dollarlyk şertnama baglaşdy. Kompaniýanyň inženerleri Ýeriň emeli hemrasynyň üstüne ýük eltip bermäge niýetlenen Argonaut Aý modulyny döretmeli diýip, Space.com habar berýär.

Meýilnama boýunça apparaty işläp taýýarlamak işi 2030-njy ýylda tamamlanar. Ol 2031-nji ýylda ArgoNET missiýasynyň çäklerinde uçurylar. Ony orbita çykarmak üçin Ariane 6 raketasy ulanylar.
Argonaut 2000 kilograma çenli ýüki daşap biler. Ol astronawtlar üçin azyklary, ylmy enjamlary, lunahodlary we geljekki Aý bazalary üçin elementleri eltip berer diýlip garaşylýar.

Alymlar uçuşdan soň astronawtlaryň beýnisiniň formasynyň üýtgeýändiginiň üstüni açdylar
16.01.2026 15:12
2.8k+

Alymlar uçuşdan soň astronawtlaryň beýnisiniň formasynyň üýtgeýändiginiň üstüni açdylar

Kosmosa uçuş astronawtlaryň bedenine täsir edip, olaryň myşsalarynyň ýitmegine, süňk dykyzlygynyň peselmegine we suwuklyk hem elektrolit deňagramlylygynyň bozulmagyna getirýär. Emma bu-da hemmesi däl. Alymlar mikrograwitasiýanyň täsirlerini öwrenenlerinden soň, älem giňişligine uçuşyň astronawtlaryň beýnisiniň gurluşyna täsir edýändigini-de anykladylar...

NASA Crew-11 ekipažyny 15-nji ýanwarda Ýere gaýtaryp getirer
11.01.2026 18:13
2k+

NASA Crew-11 ekipažyny 15-nji ýanwarda Ýere gaýtaryp getirer

NASA Crew-11 kosmos gämisiniň ekipažyny 15-nji ýanwarda Ýere gaýtaryp getirmegi meýilleşdirýär. Bu barada agentligiň metbugat gullugy X sosial media platformasynda habar berdi. Crew-11 missiýasy Halkara kosmos stansiýasynda 2-nji awgustdan bäri işleýär...

«Habbl» teleskopy kosmosda täze görnüşli obýekti tapdy: Ýyldyzsyz «Bulut 9»
11.01.2026 13:24
2k+

«Habbl» teleskopy kosmosda täze görnüşli obýekti tapdy: Ýyldyzsyz «Bulut 9»

«Habbl» (Hubble) kosmos teleskopy örän geň galdyryjy astronomik obýekti — içinde ýekeje ýyldyz hem bolmadyk, diňe gazdan we garaňky maddadan ybarat bolan ägirt uly buludy ýüze çykardy. Phys.org neşiriniň habar bermegine görä, bu açyş galaktikalaryň nähili emele gelýändigi baradaky ylmy garaýyşlary üýtgedip biler...

Hytaýly taýkonawtlar Aýa uçmak üçin Ýerdäki gowaklarda türgenleşik geçdiler
11.01.2026 11:42
2.6k+

Hytaýly taýkonawtlar Aýa uçmak üçin Ýerdäki gowaklarda türgenleşik geçdiler

Hytaýyň kosmonawtlar topary geljekde Aýa amala aşyryljak adamly uçuşlara taýýarlyk görmek maksady bilen, gowaklarda bir aýlyk ýörite okuw-türgenleşik geçdiler. Space News neşiriniň habar bermegine görä, bu maksatnama adamyň ekstremal şertler bilen özara gatnaşygyny öwrenmäge we Aýyň üstüni ýatladýan gurşawda hereket etmegi öwrenmäge gönükdirilendir...