Saud Arabystanynyň Haj we umra ministrligi 2025-nji ýylda zyýaratçylara çagalary ýany bilen getirmäge rugsat berilmeýändigini mälim etdi. Çözgüt olaryň howpsuzlygyny üpjün etmek maksady bilen kabul edildi, sebäbi haj zyýaraty uly mähelläniň gatnaşmagynda bolup geçýär diýip, Business Today neşiri habar berýär.
Şeýle-de, häkimiýetler zyýaratyň has guramaçylykly geçirilmegi üçin täze çäreleri girizdi. Olaryň arasynda howpsuzlyk çäreleri barada maglumat beriş kampaniýalary, zyýaratçylaryň hereketini kadalaşdyrmak üçin intellektual ulgamlaryň ornaşdyrylmagy, şeýle-de rahatlygy ýokarlandyrmak we däp-dessurlaryň geçirilişini ýeňilleşdirmek üçin palata lagerlerini we ýodalary döwrebaplaşdyrmak bar.
Ministrlik ygtyýarnamany almakda, öňküsi ýaly, heniz haj parzyny ýerine ýetirmedik adamlaryň ileri tutuljakdygyny ýatlatdy.
2025-nji ýyl möwsümi üçin hasaba alyş Saud Arabystanynyň raýatlary we ýaşaýjylary üçin resmi taýdan açyk. Olar Nusuk programmasy we resmi onlaýn portaly arkaly arza iberip biler.
